Տղամարդու ձայնի տոնայնությունը կնոջ սրտի բանալին է

Մեծ Բրիտանիայում իրականացված հետազոտությունը ցույց է տվել, որ զուգընկեր ընտրելիս կանանց համար կարևոր նախապայման է տղամարդու խոսելաոճը և ձայնի տոնայնությունը: Գիտնականները պարզել են, որ տղամարդու ձայնային ալիքներն ասոցացվում են նրա մարմնի չափսերի, հմայիչ լինելու և ընկերասիրության հետ: Պարզվել է նաև, որ տղամարդու ամենանախընտրելի ձայնը խորը, ցածր ձայնն է:

Կանանց կարծիքով՝ դա առնականության, ուժի և քնքշության կատարյալ համադրություն է: Իսկ երբ կինն է ցանկանում դուր գալ տղամարդուն, պետք է խոսի բարձր, սակայն հատ-հատ արտասանվող բառերով:

Ձայնի խռպոտությունը կանանց մոտ ասոցացվում է սեքսուալության, տղամարդկանց մոտ՝ քնքշության հետ: Բացի այդ, ձայնի ցածր տոնայնությունն ասոցացվում է մարմնի մեծության, բարձրը՝ փոքրության հետ:

Հարցեր, պատասխաններ, մեկնաբանություններ